यातायात व्यवसायीले भाडा समायोजनको माग गर्दै निकाले र्‍याली « Drishti News – Nepalese News Portal
Logo

यातायात व्यवसायीले भाडा समायोजनको माग गर्दै निकाले र्‍याली


दृष्टि संवाददाता


काठमाडौं । यातायात व्यवसायीहरुले काठमाडौंमा र्‍याली निकालेका छन् । व्यवसायीहरुले बिहीबार बिहान आ–आफ्नो सार्वजनिक यातायातका साधनसहित भाडा समायोजन र कोरोनाविरुद्धको खोप माग गर्दै र्‍याली निकालेका हुन् ।

बालाजु, जोरपाटी लगायतका स्थानबाट निकालिएको सो र्‍यालीले रिङरोड परिक्रमा गर्नेछ । र्‍यालीमा निस्किएका सवारी साधनहरुको सडकमा लामो लाइन देखिएको छ ।

साना–ठूला सार्वजनिक गाडीहरु एकसाथ रिङरोडमा निस्किंदा ट्राफिक जामको समस्या देखिएको छ । सार्वजनिक यातायात केन्द्रीय महासंघ नेपालको आह्वानमा सडकमा निस्किएका व्यवसायीहरुले यातायातको भाडा एवम् ट्याक्सीको सुरुवाती कल समायोजन गर्न, कोभिड खोपको व्यवस्था गर्न, २० वर्ष अवधि पुगेका सवारी साधनको अवधि थप गर्न, नवीकरण र जरिवाना छुट गर्न लगायतका माग उनीहरुले माग राखेका छन् ।

प्रतिक्रिया दिनुहोस्