जुम्ला । जुम्लाको तातोपानी गाउँपालिकामा नेकपा माओवादी र नेपाली कांग्रेसका कार्यकर्ताबीच झडप भएको छ । झडपका क्रममा ६ जना घाइते भएका छन् ।
वडा नम्बर ३ को मतगणनामा कांग्रेसको तर्फबाट वडाध्यक्षमा विजय भएपछि विजय जुलुसमा निस्कने क्रममा माओवादीका वडाध्यक्ष डिल्ली रावल समर्थित युवाले ढुंगामुढा गरेपछि झडप भएको थियो ।
घाइते हुनेमा तातोपानी ३ बस्ने २४ वर्षीय प्रेमसागर रावल, १५ वर्षीय गणेश शाही, ५० वर्षीया रामुदेवी शाही, २१ वर्षका अजित कामी, प्रकाश सुनार र तातोपानी १ का १८ वर्षीय धर्मराज रावत घाइते भएको जिल्ला प्रहरी कार्यालय जुम्लाले जनाएको छ ।
उनीहरूको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचार भइरहेको प्रहरीले जनाएको छ ।
झडपमा संलग्न तातोपानी ३ का माओवादी केन्द्रका वडाध्यक्षका उम्मेदवार डिल्ली रावलसहित ८ जना प्रहरीले नियन्त्रणमा लिएको प्रहरी निरीक्षक तथा सूचना अधिकारी भुवन भट्टले जानकारी दिए ।
