काठमाडौं । सिन्धुलीको मरिण गाउँपालिकाको अध्यक्षमा नेकपा माओवादी केन्द्र विजयी भएको छ ।
नेपाली कांग्रेस–माओवादीको गठबन्धनबाट उम्मेदवार बिर्मस मोक्तान ५ हजार १९४ मतसहित विजयी भएका हुन् ।
उनका निकटतम प्रतिस्पर्धी नेकपा एमालेका गोविन्द लामाले ४ हजार ७६० मत प्राप्त गरे । गठबन्धनबाट उपाध्यक्षमा कांग्रेसकी विमला माझीले ५ हजार २८१ प्राप्त गरी निर्वाचित भइन् ।
२०७४ को चुनावमा माओवादी केन्द्रले अध्यक्ष र उपाध्यक्ष दुवै जितेको थियो ।
