काठमाडौं । प्रभु बैंक लिमिटेडले बडादशैं, दीपावली तथा छठपर्वलाई लक्षित गरी विदेशमा दुःख गरी आर्जन गरेको पैसा स्वदेशमा विप्रेषण गरी बैंक खातामा निक्षेपको रुपमा जम्मा गर्दा प्रभु उन्नती मुद्धति खातामा वार्षिक १५.१३ प्रतिशत र प्रभु उन्नति बचत खातामा वार्षिक १०.१३ प्रतिशत ब्याजदर प्रदान गर्ने भएको छ ।
उक्त ब्याजदरले विदेशमा आर्जन गरेको पैसाले उचित प्रतिफल पाउने र विप्रेषणको माध्यमबाट औपचारिक रुपमै नेपालमा भित्रिन पे्ररणा प्रदान गरी देशको आर्थिक विकासमा टेवा पुग्ने विश्वास बैकले लिएको छ । यो योजना आगामी २०७९ असोज १ गतेदेखि लागू हुने बैंकले जनाएको छ ।
