काठमाडौं । नेपाली कांग्रेसका नेता महेन्द्र यादवले धनुषा-४ मा पुन: मतगणनाको माग गर्दै सर्वोच्च अदालतमा रिट दिएका छन् । सो क्षेत्रबाट महेन्द्रलाई पराजित गर्दै नेकपा एमालेका उम्मेदवार रघुवीर महासेठ निर्वाचित भएका छन् ।
महेन्द्रले निर्वाचन आयोगले सार्वजनिक गरेको मत परिणाममा असहमति जनाउँदै बुधबार सर्वोच्च अदालतमा रिट दिएका हुन् । उनले दोहोर्याएर मत गन्न माग गरेका हुन् ।
रिटमा निर्वाचन आयोग , मुख्य निर्वाचन अधिकृतको कार्यालय धनुषा , जिल्ला निर्वाचन कार्यालय धनुषा , प्रमुख जिल्ला अधिकारी र एमाले उम्मेदवार महासेठलाई विपक्षी बनाइएको छ ।
