काठमाडौं । संस्कृति, पर्यटन तथा नागरिक उड्डयनमन्त्री सुदन किरातीले सशस्त्र द्वन्द्वका अयोग्य लडाकुलाई रकम दिने विषयमा अनावश्यक हल्ला चलाइएको बताएका छन् ।
शनिबार काठमाडौंमा नेपाल ललितकला प्रज्ञा–प्रतिष्ठानको १४औँ प्राज्ञसभा उद्घाटन गर्दै मन्त्री किरातीले अयोग्य लडाकुलाई रकम दिने निर्णय विष्णु पौडेल अर्थमन्त्री हुँदा भएको बताए । अहिले यस विषयमा अनावश्यक हल्ला चलाइएको उनको भनाई छ ।
अयोग्य लडाकुले मुद्दा लडेर जितेर आएको विषय भएको र अदालतले गरेको फैसलालाई सरकारले अघि बढाएको उनले बताए । उलने केही दिनअघि फ्लाई दुबईको जहाजका विषयमा पनि अनावश्यक हल्ला फैलाइएको बताए ।
उनले मुलुकको पर्यटनलाई अघि बढाउनका लागि सबै सरोकारवालाबीच हातेमालो गर्दै अघि बढ्नुपर्ने बताए ।
