एजेन्सी । चीनले इजरायलमा रहेका आफ्ना नागरिकलाई सकेसम्म चाँडै त्यहाँबाट बाहिरिन आग्रह गरेको छ ।
इजरायल–इरान द्वन्द्व चर्किंदै गएपछि इजरायलस्थित चिनियाँ दूतावासले सूचना जारी गर्दै आफ्ना नागरिकलाई सकेसम्म चाँडो त्यहाँबाट निस्किन भनेको हो ।
इजरायली हवाई क्षेत्र बन्द भएकाले भूमि सीमा पार गरेर जोर्डन हुँदै इजरायली भूमि छाड्न चिनियाँ दूतावासले आफ्ना नागरिकलाई सल्लाह दिएको चिनियाँ पत्रिका ग्लोबल टाइम्सले उल्लेख गरेको छ ।
इजरायलका सम्बन्धित सरकारी विभागले जोर्डन र इजिप्टसँग जोडिएको इजरायलका सीमा खुला रहने बताइएको छ ।
