काठमाडौं, १६ माघ ।
अष्ट्रेलियाका लागि नेपाली राजदूत लक्की शेर्पाले अन्ततः आफ्नै चालकका कारण पद गुमाएकी छिन् । राजदूत शेर्पा मानव तस्करीमा संलग्न रहेको आरोप लगाएको र छानबिन गर्दा त्यसमा उनको गल्ती देखिएपछि सरकारले राजिनामा दिन भनेको थियो ।
तर, पद जोगाउन उनले नेताहरुमार्फत लबिङ गरेकी थिइन् । तर, सरकारले उनलाई बाटो खुलाउन नै निर्देशन दिएपछि उनी आफ्ना सामान लिन अष्ट्रेलिया गएकी थिइन् । उनी बुधबार नेपाल फर्किएकी छिन् । उनले केही दिनमै राजिनामा दिने तयारी गरेकी छिन् ।
तत्कालिन माओवादीको सिफारिसमा उनी राजदूत भएकी थिइन् ।
