धनगढीमा दसैँका दिन निःशुल्क बससेवा

धनगढी । दसैँ पर्वको अवसरमा धनगढीमा भाेलि बिहीबार नि:शुल्क बससेवा सञ्चालन हुने भएकाे छ। धनगढी उपमहानगरपलिकाको समन्वयमा नवजीवन अस्पतालले धनगढी, फूलबारी र अत्तरिया मार्गमा निःशुल्क बससेवा सञ्चालन गर्ने भएको हाे।

नगरवासीलाई सहज र सुरक्षित आवागमन उपलब्ध गराउन नि:शुल्क बससेवा सञ्चालन हुन लागेकाे मेयर गाेपाल हमालले बताए।

बस छुट्ने समय तालिका यसप्रकार छ:

बिहान ९:०० बजे : धनगढी चौराहा → फूलबारी

बिहान १०:०० बजे : फूलबारी → धनगढी चौराहा

बिहान ११:०० बजे : धनगढी चौराहा → अत्तरिया

बिहान १२:०० बजे : अत्तरिया → धनगढी चौराहा

दिउँसो १२:४५ बजे : धनगढी चौराहा → फूलबारी

दिउँसो १:३० बजे : फूलबारी → धनगढी चौराहा

दिउँसो २:१५ बजे : धनगढी चौराहा → अत्तरिया

दिउँसो ३:०० बजे : अत्तरिया → धनगढी चाैराहा