काठमाण्डौ । जेनजी आन्दोलनका क्रममा भागेका १४ हजार ५ सय ५४ कैदीबन्दीमध्ये हालसम्म ९ हजार ४ सय ४१ जनालाई फिर्ता गराइएको छ भने ५ हजार १३ जना अझै फरार रहेको गृह मन्त्रालयले जनाएको छ।
राष्ट्रियसभा अन्तर्गतको सङ्घीयता सबलीकरण तथा राष्ट्रिय सरोकार समितिको बैठकमा गृहमन्त्री ओमप्रकाश अर्यालले फरार कैदीबन्दीको सूची सार्वजनिक गरेर खोजी भइरहेको जानकारी दिए।
यस्तै, आन्दोलनमा लुटिएका झन्डै १२ सय हतियारमध्ये हालसम्म ७ सय १८ थान फिर्ता भइसकेका छन्। प्रहरी युनिटमा ४ सय ६५ क्षति पुगेकोमा ४ सय ४८ युनिट सञ्चालनमा आएका छन्।
यसबीचमा ४ सय २९ जनालाई प्रहरीले पक्राउ गरेको छ भने आपराधिक गतिविधिमा संलग्न १ सय ६८ जनामाथि मुद्दा लगाइएको छ। गृहमन्त्री अर्यालले फरार कैदी र लुटिएका हतियारलाई प्रमुख सुरक्षा चुनौती मान्दै, सरकार स्वच्छ, निष्पक्ष र भयरहित निर्वाचन सम्पन्न गर्न प्रतिबद्ध रहेको बताए।
