काठमाडौं । नेकपा (एमाले) को सचिवालय बैठक केन्द्रीय कार्यालय च्यासलमा सुरु भएको छ । एमाले अध्यक्ष केपी शर्मा ओलीले पार्टी केन्द्रीय कार्यालय च्यासलमा बस्ने गरी बैठक आह्वान गरेका थिए । बैठकमा मङ्सिर ६ गते एमालेले गर्ने जनप्रदर्शन, पार्टीको ११ औँ राष्ट्रिय महाधिवेशन र फागुनमा हुने आमनिर्वाचनका लागि एमालेको सहभागिताबारे छलफल हुने छ ।
बैठकमा महाधिवेशन आयोजनाका लागि उपसमिति निर्माण, आमनिर्वाचन, मधेशको राजनीतिक घटनाक्रम, मङ्गलवार बारामा भएको घटनाको समेतमा छलफल हुने जनाइएको छ । एमालेले आगामी मङ्सिर २७, २८ र २९ गते हुने महाधिवेशनका लागि १३ गते देशैभर एकैदिन प्रतिनिधि छनोट गर्दै छ ।
