काठमाडौंको न्यूनतम तापक्रम ३.० डिग्रीमा झर्यो

काठमाडौं । आज काठमाडौं उपत्यकाको न्यूनतम तापक्रम ३ डिग्री सेल्सियसमा झरेको छ । आज बिहान ८ः४५ बजेको मापनमा काठमाडौँको न्यूनतम तापक्रम ३.० डिग्री सेल्सियस कायम भएको हो ।

यसअघि आजै बिहान ५ः४५ बजेको सुरुवाती मापनमा काठमाडौंको न्यूनतम तापक्रम ३.६ डिग्री सेल्सयस देखिएको थियो । तर, अहिले भने सो तापक्रम झरेर ३ डिग्री कायम भएको मौसम पूर्वानुमान महाशाखाले जनाएको छ । हिजो आइतबार भने काठमाडौँको न्यूनतम तापक्रम २.८ डिग्री सेल्सियस थियो ।