काठमाडौं । कुलमान घिसिङ नेतृत्वको उज्यालो नेपाल पार्टीले समानुपातिक निर्वाचन प्रणालीतर्फ सहभागी हुन राष्ट्रिय परिवर्तन पार्टी (रापपा) सँग सहकार्य गरेको छ ।
सोही अनुसार आइतबार उनेपाका २४ जना समानुपातिक उम्मेदवारको नाम बासुरी चुनाव चिह्नवाला रापपाको बन्दसूचीमा राखेर निर्वाचन आयोगमा बुझाइएको छ ।
भदौ २३ गते भएको जेनजी आन्दोलनमा एउटा खुट्टा गुमाएका जेनजी घाइते योद्धा राजेश पोर्तेलको अध्यक्षतामा राष्ट्रिय परिवर्तन पार्टी गठन भएको हो । सोही दलसँग मिलेपछि उनेपाका नयाँ उम्मेदवार राखिएको छ ।
रापपाले समानुपातिक उम्मेदवारी सूचीमा राखेका केही उम्मेदवारको नाम फिर्ता लिएर अद्यावधिक सूची आयोगमा बुझाएको छ ।
