काठमाडौं । सरकारले कार्की आयोगको प्रतिवेदन तत्काल कार्यान्वयनमा ल्याउने निर्णय गरेको छ ।
आजको नवगठित मन्त्रिपरिषदको पहिलो बैठकले जेनजी आन्दोलनको अवस्था अध्ययन गर्न बनेको गौरीबहादुर कार्की नेतृत्वको आयोगले तयार पारेको प्रतिवेदन कार्यान्वयनमा ल्याउने निर्णय गरेको सरकारका प्रवक्ता सस्मित पोखरेलले जानकारी दिए ।
त्यस्तै बैठकले शहीदप्रति सम्मान गरेको बताउँदै उनले जेनजी आन्दोलनका क्रममा भएको क्षतिको पुनर्निर्माण गर्न भोलि नै खाका तयार पार्ने निर्णय भएको उनले बताए ।
