काठमाडौं । भदौ १० गते रसुवाको भोटेकोशी हुँदै त्रिशुलीमा आएको विनाशकारी बाढीमा परी बेपत्ता भएकाहरुका आफन्तहरुले कुशको शव बनाएर दाहसंस्कार गरेका छन् ।
बाढीमा परी सम्पर्कविहीन भइसकेको १० दिन हुँदा समेत सम्पर्कमा नआएको र शव समेत फेला नपरेपछि आफन्तहरुले कुशको शव बनाएर संयुक्त रुपमा दाहसंस्कार गरिरहेका हुन् । बेपत्ता भएकाहरुका आफन्तहरुले शुक्रवार पशुपति आर्यघाटमा कुशको शवको प्रतिमा बनाएर अन्तिम संस्कार गरिरहेका छन् ।
पशुपति क्षेत्र विकास कोषले निःशुल्क रुपमा दाहसंस्कार गर्ने व्यवस्था मिलाएको छ । रसुवा बाढीमा मृत्यु भएका १ हजार दुई सय ५९ जनाको शव फेला परेको छ । अझै पनि ५ हजार बढी नागरिक सम्पर्कविहीन छन् । अहिलेसम्म ९३ शवको मात्र सनाखत हुन सकेको छ । सरकारले बाढी प्रभावित क्षेत्रहरु रसुवा, नुवाकोट, धादिङ, गोर्खा, चितवन लगायतका जिल्लाका खोज तथा उद्धार कार्य जारी राखेको छ ।
