काठमाडौं। नेपाली कम्युनिस्ट पार्टीका सहसंयोजक माधवकुमार नेपालको नेतृत्वमा टोलीले रसुवा, नुवाकोट र धादिङका भोटेकोशी बाढी प्रभावित क्षेत्रमा राहत वितरण तथा स्थलगत अनुगमन थालेको छ।
टोलीले बुधबार धादिङको गल्छी गाउँपालिका– महेशदोभान क्षेत्रमा पुगेर बाढीबाट भएको क्षतिको स्थलगत अनुगमन गरेको हो। अनुगमनपछि टोलीले गल्छी गाउँपालिकामा स्थानीय जनप्रतिनिधि तथा सरोकारवालासँग छलफलसमेत गरेको छ।
बाढीबाट प्रभावित क्षेत्रको अवस्था, स्थानीयको आवश्यकता तथा राहत व्यवस्थापनबारे जानकारी लिन टोली प्रभावित क्षेत्रमा पुगेको बताइएको छ। २०८३ असोज ७ गते नेपाल नेतृत्वको टोली रसुवा, नुवाकोट र धादिङका विभिन्न प्रभावित क्षेत्रमा पुगेर अनुगमन तथा राहत वितरण गर्ने कार्यक्रममा सहभागी भएको हो।
