रोशी खोलामा आएको बाढीले अस्थायी डाइभर्सन बगायो

काठमाडौं ।  बीपी राजमार्गको दुई स्थानमा रोशी खोलामा आएको बाढीले अस्थायी डाइभर्सन बगाएको छ । बीपी राजमार्गको नमोबुद्ध-६ को चौकीडाँडा र रोशी ७ को घुमाउनेमा बाढीले अस्थायी डाइभर्सन बगाएको हो ।

यसअघिको बाढीले सडक बगाएपछि उक्त स्थानमा डाइभर्सन निर्माण गरी सवारी सञ्चालनमा ल्याइएको थियो । त्यस्तै बीपी राजमार्गको नमोबुद्ध-६ को चौकीडाँडा, रोशी-७ को चारसयवेशी, रोशी-८ को गिम्दीवेशी र रोशी ११ माम्तीमा पहिरो खसेको छ ।