काठमाडौं । नेकपा (एमाले)को केन्द्रीय सदस्यमा १३ जना मनोनीत भएका छन् । शनिवार बसेको स्थायी कमिटी बैठकले १३ जनालाई केन्द्रीय सदस्यमा मनोनीत गर्ने निर्णय गरेको गरेको हो । अध्यक्ष केपी शर्मा ओलीले केन्द्रीय कमिटीमा मनोनीत गर्नका लागि राखेको प्रस्ताव स्थायी कमिटी बैठकले पारित गरेको हो ।
एमालेको केन्द्रीय कमिटीमा शृजना राई, पुष्पा केसी, सावित्रा अर्याल, इन्दु कडेरिया, सीता पंगेनी, सीता अधिकारी, धर्मनाथप्रसाद शाह, तेजमान कङ्गदवा, टंक आङ्ग्बुहाङ्ग, नवीन रोक्का, मिनप्रसाद गुरुङ, डबल पाण्डे र तेजेन्द्र केसी मनोनीत भएका हुन् ।
अन्य एजेन्डाका बारेमा अर्को बैठकमा टुङ्गो लाग्ने भएको छ । यससँगै एमालेको स्थायी कमिटी बैठक सकिएको छ ।
