काठमाडौं। नेपाल प्रिमियर लिग (एनपीएल) अन्तर्गत विराटनगर किङ्स र सुदूरपश्चिम रोयल्सबिचको खेल सुरु हुन ढिलाइ भएको छ । निर्धारित समय बितिसक्दा पनि टस हुन सकेको छैन । सुदूरपश्चिम रोयल्सका कप्तान दीपेन्द्रसिंह ऐरीले केही संकेत गरिरहेका छन् भने टोली टसका लागि तयार नभएको देखिएको छ ।
आउटफिल्डको अवस्थालाई लिएर सुदूरपश्चिमले खेल्न आनाकानी गरेको हुन सक्ने अनुमान गरिएको छ । यद्यपि, टोलीले औपचारिक रूपमा आफ्नो असन्तुष्टिको कारण सार्वजनिक गरेको छैन । खेल सुरु हुने विषयमा अन्योल कायमै छ ।
