प्रत्यायोजित विधायन अध्ययन उपसमिति गठन « Drishti News – Nepalese News Portal
Logo

प्रत्यायोजित विधायन अध्ययन उपसमिति गठन


दृष्टि संवाददाता


काठमाडौं । संसदको राज्य व्यवस्था तथा सुशासन समितिले प्रत्यायोजित विधायन सम्बन्धी अध्ययन गर्न उपसमिति गठन गरेको छ । शुक्रबार बसेको समिति बैठकले नेकपा माओवादी केन्द्रकी सांसद रेखा शर्माको नेतृत्वमा पाँच सदस्यीय उपसमिति गठन गरेको हो ।

उपसमितिलाई सुशासन व्यवस्थापन तथा सञ्चालन ऐन २०६४, प्रत्यायोजित विधायन अनुसार नियमावली, कार्यविधि र निर्देशिकाहरु तयार भए/नभएको अध्ययन गर्ने जिम्मेवारी दिइएको छ ।

समिति सभापति शशी श्रेष्ठले सकेसम्म समितिलाई एक महिनाभित्रै अध्यन प्रतिवेदन तयार हुने गरी काम गर्न निर्देश गरेकी छन् ।

उपसमितिमा नेकपा एमालेबाट खेमप्रसाद लोहनी र लक्ष्मी कुमारी चौधरी, कांग्रेसबाट सांसद डिला संग्रौला, जनता समाजवादी पार्टी (जसपा)बाट रामसहाय प्रसाद यादव सदस्य रहेका छन् ।

यसैबीच प्रतिनिधिसभा अन्तर्गतको राज्य व्यवस्था तथा सुशासन समितिले समितिको वार्षिक प्रतिवेदन २०७८ पास गरेको छ ।

प्रतिक्रिया दिनुहोस्