बेलायतमा एक सांसदको हत्या « Drishti News – Nepalese News Portal
Logo

बेलायतमा एक सांसदको हत्या


दृष्टि संवाददाता


काठमाडौं । बेलायतमा एक सांसदको हत्या भएको छ । पूर्वी इंगल्याण्डमा सांसद डेभिड एम्सको छुरा प्रहारबाट हत्या भएको हो । वेलफेयर मेथोडिस्ट चर्चमा स्थानीयहरुसँग छलफलमा रहेको बेला उनीमाथि छुरा प्रहार भएको जनाइएको छ ।

उनी हरेक महिनाको पहिलो र तेस्रो शुक्रबार आफ्ना मतदातासँग नियमित अन्तर्क्रिया गर्दथे । सोही अन्तर्क्रियाको क्रममा रहेका बेला उनीमाथि योजनाबद्ध आक्रमण भएको प्रहरी अधिकारीहरुको भनाई छ ।

हत्यामा संलग्न भएको आशंकामा प्रहरीले एक जना २५ वर्षीय युवकलाई पक्राउ गरिसकेको छ । सरकारले यो घटनालाई ‘आतंककारी’को संज्ञा दिएको छ ।

बेलायतका प्रधानमन्त्री बोरिस जोनसनले आतंकवादविरुद्ध एकजुट हुनुपर्ने बेला आएको बताउँदै हत्यामा संलग्न व्यक्तिलाई कारबाही गर्ने प्रतिबद्धता जनाएका छन् । बेलायतमा सन् २०१६ मा पनि लेबर पार्टीका एक सांसद जो कोक्सको गोली हानेर हत्या गरिएको थियो ।

प्रतिक्रिया दिनुहोस्