काठमाण्डौं । पुष २१ गते । उपप्रधानमन्त्री उपेन्द्र यादवले प्रधानमन्त्री केपि ओलीलाई शनिवार ११ बुँदे ज्ञापनपत्र बुझाएकोछ ।
आफै उपप्रधानमन्त्री तथा स्वास्थ्य मन्त्री रहेका उपेन्द्र यादवले प्रधानमन्त्री ओलीलाई भेटेर ११ बुँदे स्मरणपत्र बुझाएका छन् । उक्त पत्रमा संविधान संशोधन हिउँदे अधिवेशनवाटै गर्न माग गरिएकोछ ।
जनतालाई सामाजिक न्याय र सुशासन प्रत्याभूत गराउन नसकेको उक्त पत्रमा भनिएकोछ ।
मधेश आन्दोलनका क्रममा गिरफ्तार परेकालाई रिहाई गर्न पनि उक्त पत्रमा माग गरिएकोछ ।
मुलुकमा वढ्दो अराजकता, ढिलासुस्ती, कमिशन तन्त्र, भ्रष्टाचार र अनियमिततालाई नियन्त्रण गर्न पनि उपप्रधानमन्त्री यादवले प्रधानमन्त्री समक्ष माग गरेका छन् ।
जवाफमा प्रधानमन्त्री ओलीले संविधान संशोधनमा आफु सकारात्मक भएको वताएको समाचारमा जनाइएकोछ ।
