काठमाडौं । कांग्रेसको वरिष्ठ नेता रामचन्द्र पौडेल समूहका नेताहरु साझा उम्मेदवारी चयनका लागि फेरि छलफलमा जुटेका छन् । भृकुटीमण्डपमा खुलासत्र सकिएलगत्तै नेताहरू बत्तीसपुतलीस्थित अनुपम फुडल्यान्डमा भेला भएका हुन् ।
बैठक बत्तीसपुतलीस्थित अनुपम फुडल्याण्डमा सुरु भएको छ । उक्त बैठकमा सभापतिका दाबेदारहरु सबै सहभागी हुने बताइएको छ ।
सभापतिका लागि वरिष्ठ नेता रामचन्द्र पौडेल, पूर्वमहामन्त्री प्रकाशमान सिंह, महामन्त्री शशांक कोइराला र केन्द्रीय सदस्य शेखर कोइराला आकांक्षी छन् ।
कोइरालाद्वयले पौडेलको नाममा सहमति गरेर साझा उम्मेदवार चयन गर्न सकिने बताए पनि सिंहले अडान नछोडेपछि साझा उम्मेदवार चयनको विषय अन्योल बनेको हो ।
