ग्लोबल आइएमईद्वारा १५औँ वार्षिकोत्सवको अवसरमा देशव्यापी रक्तदान आयोजना « Drishti News – Nepalese News Portal
Logo

ग्लोबल आइएमईद्वारा १५औँ वार्षिकोत्सवको अवसरमा देशव्यापी रक्तदान आयोजना


दृष्टिन्यूज


काठमाडौं । ग्लोबल आइएमई बैंक लिमिटेडले आफ्नो १५औँ वार्षिकोत्सवको उपलक्ष्यमा देशव्यापीरूपमा रक्तदान कार्यक्रमको आयोजना गरेको छ । बैंकले शुक्रबार पुस १६ सातवटै प्रदेशमा रक्तदान कार्यक्रमको आयोजना गरेको छ ।

कार्यक्रमअन्तर्गत, प्रदेश १ को तिनपैनी शाखा, विराटनगर, मोरङ, प्रदेश २ को लाहान शाखा, सिराहा, वाग्मती प्रदेशको कान्तिपथ शाखा, काठमाण्डौ, गण्डकी प्रदेशको न्यूरोड शाखा, पोखरा, कास्की, लुम्बिनी प्रदेशको मिलनचोक शाखा, बुटवल, रुपन्देही, कर्णाली प्रदेशको विरेन्द्रचोक शाखा, सुर्खेत र सुदूरपश्चिम प्रदेशको प्रदेश कार्यालय, चटकपुर, धनगढीमा रक्तदान कार्यक्रम आयोजना गरिएको छ । देशभर आयोेजित कार्यक्रममा ४१६ रक्तदाताबाट १८७ लिटर रगत दान गरिएको छ ।

यसअघि बैंकले महिलालाई आर्थिकरुपमा सशक्त बनाउने उद्देश्यका साथ देशव्यापी मेरी उनीलाई स्वस्थ नारी पहल निःशुल्क महिला स्वास्थ्य शिविर पनि सञ्चालन गरेको थियो । बैंकको १५औँ वार्षिकोत्सवको अवसरमा बैंकले डिजिटल बैंकिङसम्बन्धी साक्षरता कार्यक्रम, निःशुल्क स्वास्थ्य शिविर, खेलकुद तथा अन्य सामाजिक कार्यक्रमहरुको आयोजना गरिरहेको छ । ग्लोबल आइएमई बैंक पुस १८ गते आइतबारदेखि स्थापनाको १५ वर्ष पूरा गरी १६औँ वर्षमा प्रवेश गर्दैछ ।

प्रतिक्रिया दिनुहोस्