जनकपुर । नेकपा (माओवादी केन्द्र) र नेकपा (एकीकृत समाजवादी) ले धनुषाको औरही गाउँपालिकामा चुनावी गठबन्धन गरेको छ ।
आसन्न निर्वाचनमा माओवादीले गाउँपालिका अध्यक्ष र एकीकृत समाजवादीले उपाध्यक्ष लिएर चुनावी गठबन्धन गरेको जनाएको छ । माओवादीका धनुषा अध्यक्ष दीपककुमार यादव र एकीकृत समाजवादीका अध्यक्ष रामचन्द्र पण्डितले गठबन्धन गर्ने सहमति पत्रमा हस्ताक्षर गरेका छन् ।
दुवै दलबीच औरही गाउँपालिकाको अध्यक्षसहित वडा नं. १, ३, ५ र ६ नम्बर वडाको वडाध्यक्ष माओवादीले र उपाध्यक्षसहित वडा नं २ र ४ को वडाध्यक्ष एकीकृत समाजवादीले लिएर गठबन्धन गर्ने सहमति गरिएको जनाइएको छ ।
सहमतिसँगै दुवै दलले संयुक्तरुपमा चुनावी प्रचार–प्रसार सुरु गरेका छन् ।
