धनकुटा । नेकपा एमालेको गढ धनकुटाको सहिदभूमि गाउँपालिकामा एमाले विभाजन भइ गठन भएको पार्टी नेकपा एकीकृत समाजवादीले अग्रता लिएको छ ।
पछिल्लो मतपरिणामअनुसार पाँच दलीय गठबन्धनबाट अध्यक्षका उम्मेदवार नेकपा एकीकृत समाजवादीका जीतबहादुर राईले २९३८ मत प्राप्त गर्दै अग्रता लिएका हुन् । निकटतम प्रतिस्पर्धी नेकपा एमालेका अध्यक्ष उम्मेदवार मनोज राईले २४८३ मत प्राप्त गरेका छन् ।
उपाध्यक्षमा भने नेकपा एमालेले अग्रता लिएको छ । एमालेबाट उपाध्यक्षका उम्मेदवार रत्नश्वरी राईले २९२८ मतसहित अग्रता लिएका हुन् ।
गठबन्धनको तर्फबाट उपाध्यक्षका उम्मेदवार नेपाली कांग्रेसका तोर्णबहादुर खड्काले २२५४ मत प्राप्त गरेका छन् ।
