काठमाडौं । पृथ्वी राजमार्गअन्तर्गत तनहुँको आँबुखैरेनी–मुग्लिन खण्डमा ठूला सवारी साधन नचल्ने भएका छन् ।
आँबुखैरेनी गाउँपालिका–४ पावर हाउस नजिक भासिएको सडक बनाउन समय लाग्ने भएकाले केही दिन ठूला सवारी सञ्चालनमा रोक लगाइएको हो ।
साना सवारी साधनलाई भने एकतर्फी सञ्चालन गरिएको डीएसपी युवराज खड्काले जानकारी दिए । भासिएको ठाउँमा सडक डिभिजनले शुक्रबारदेखि नै भित्ता काट्न थालेको छ ।
त्यहाँ सडक भासिएर शुक्रबार एउटा कार र एउटा मोटरसाइकल खस्दा दुई जनाको मृत्यु भएको थियो ।
