काठमाडौं । गृहमन्त्री बालकृष्ण खाँणले मनसुनजन्य विपद्का घटनाबाट हुने क्षति न्यूनीकरण गर्न पूर्व तयारी तथा प्रतिकार्यमा गम्भीर हुन निर्देशन दिएका छन् ।
सिंहदरबारमा सोमबार बसेको विपद् जोखिम न्यूनीकरण तथा व्यवस्थापन समितिको बैठकमा उनले मनसुन सुरु भएसंगै विपद्का घटना हुनसक्ने भएकाले तयार रहन निर्देशन दिएका हुन् ।
त्यस्तै उनले विपद् जोखिमको तयारी, जनशक्तिको अवस्था एवम् साधन स्रोतको विवरणसहितको विस्तृत कार्य योजना पेश गर्न पनि निर्देशन दिए ।
विपदको सामना गर्न राज्यका सबै निकायले एकीकृत योजना बनाउनुपर्ने मन्त्री खाँणको भनाइ छ ।
