काठमाडौं । धादिङमा मलामी सवार गाडी दुर्घटना हुँदा २६ जना घाइते भएका छन् ।
जिल्ला प्रहरी कार्यालय धादिङका डीएसपी जागेश्वर भण्डारीका अनुसार घाइतेमध्ये ५ जनाको अवस्था गम्भीर छ ।
सदरमुकाम धादिङबेसीबाट मलामी लिएर मैदी जाँदै गरेको स्वराज गाडी गएराति सडकमा पल्टिएर दुर्घटना भएको हो ।
दुर्घटनामा गम्भीर घाइते भएका ५ जनालाई उपचारका लागि ट्रमा सेन्टर काठमाडौं ल्याइएको छ । बाँकी घाइतेको जिल्ला अस्पताल धादिङमा उपचार भइरहेको छ ।
दुर्घटनापछि चालकलाई प्रहरीले पक्राउ गरेको छ । तीव्र गतिको कारण चालकले नियन्त्रण गुमाउँदा दुर्घटना भएको अनुमान प्रहरीले गरेको छ ।
