मोटरसाइकलले ठक्कर दिँदा मृत्यु

काठमाडौं । मोटरसाइकलले ठक्कर दिँदा महोत्तरीमा एक जनाको मृत्यु भएको छ ।

गौशाला नगरपालिका–४ मगरटोलका ५० वर्षीय गणेशबहादुर थापामगरलाई साइकलमा घर जाने क्रममा मोटरसाइकलले ठक्कर दिएको थियो ।

ठक्करबाट गम्भीर घाइते भएका थापाको प्रादेशिक अस्पताल जनकपुरमा उपचारका क्रममा मृत्यु भएको इलाका प्रहरी कार्यालय गौशालाका प्रहरी निरीक्षक रञ्जन मिश्रले बताए ।

फरार मोटरसाइकल चालकको खोजतलास भइरहेको जनाइएको छ ।