पर्सा । वीरगञ्जस्थित नापी कार्यालयमा बिचौलियाको काम गर्ने १ जना पक्राउ परेका छन् ।
१ लाख २५ हजार रकमसहित वीरगञ्ज–१३ मुर्लीका ६० वर्षीय दिनेश पाण्डे पक्राउ परेका हुन् । निजामती कर्मचारीको पोशाक लगाएर नापी कार्यालयमा कार्यरत रहेको बताउँदै सेवाग्राहीसँग अवैध रकम असुल्दै आएको आरोपमा उनीमाथि छ ।
वडा प्रहरी कार्यालय विर्ताका प्रहरी निरीक्षक विशाल मल्ल नेतृत्वको प्रहरी टोलीले वीरगञ्जको आदर्शनगरस्थित एभरेष्ट बैंकबाट सेवाग्राहीसँग रकम लिँदै गरेको अवस्थामा उनलाई पक्राउ गरेको हो ।
