काठमाडाैं । काठमाडौं उपत्यकामा रातिदेखि नै भारी वर्षा भइरहेको छ ।
जल तथा मौसम विज्ञान विभागका अनुसार वर्षा अझै केही समय जारी रहन्छ । निरन्तरको वर्षाले उपत्यकाका मनोहरा, हनुमन्ते, बागमती र यसका सहायक नदीमा जल सतह बढ्दो रहेकोे छ । नदी किनार हुँदै यात्रा गर्दा सतर्कता अपनाउन विभागले अनुरोध गरेको छ ।
विभागले बिहान ६ बजे जारी गरेकाे सूचना भनेकाे छ, ‘पछिल्लो चार घण्टामा काठमाडौं उपत्यकाको धेरै स्थानमा भारी वर्षा मापन भएको छ । हनुमन्ते, मनोहरा, बागमती र यसका सहायक नदीमा जलसतह बढ्दो छ, नदी किनारको बाटो भई यात्रा गर्दा अर्को ३ घण्टा उच्च सतर्कता अपनाऔं ।’
