काठमाडौं । डिजिटल सेवालाई बढावा दिने उद्देश्यका साथ माछापुच्छ्रे बैंकले बारास्थित गढीमाई मन्दिर सञ्चालन तथा विकास समितिमा क्युआरकोड सेवा सञ्चालनमा ल्याएको छ ।
डिजिटल बैंकिङमा आक्रमक बन्दै देशका हरेक स्थानमा सरल र सहज सेवा विस्तार गर्ने क्रममा माछापुच्छ्रे बैंकले बाराको पवित्र तीर्थस्थल गढीमाई मन्दिरमा शनिबार भएको एक औपचारिक कार्यक्रममा क्युआरकोड हस्तान्तरण गरेको थियो ।
क्युआरकोड माछापुच्छ्रे बैंकका अध्यक्ष डा वीरेन्द्रप्रसाद महतो तथा महागढीमाई नगरपालिका प्रमुख उपेन्द्रप्रसाद यादवले संयुक्तरुपमा गढीमाई सञ्चालन तथा विकास समितिका अध्यक्ष रामचन्द्र साहतेलीलाई हस्तान्तरण गरेका थिए ।
सो कार्यक्रममा बारा जिल्लाका प्रमुख जिल्ला अधिकारी कृष्णबहादुर कटुवाल, नेपाल राष्ट्र बैंक वीरगञ्जका निर्देशक राजनदेव भट्टराई, प्रहरी उपरीक्षक होमेन्द्र बोगटी, सशस्त्र प्रहरी उपरीक्षक राजेन्द्र थापा, बैंक सञ्चालक समिति सदस्य जयमुकुन्द खनाल, प्रमुख कार्यकारी अधिकृत सन्तोष कोइरालालगायत स्थानीय व्यापारी, सर्वसाधारण एवं बैंकका कर्मच।रीको उल्लेख्य उपस्थिति रहेको थियो ।
यो सेवा सञ्चालनमा आएपछि मन्दिरमा आउने दशनार्थीहरुले क्युआरकोडबाटै भेटी चढाउन सक्नेछन् । दशनार्थीले क्युआरकोड सेवा निःशुल्क प्रयोग गर्न सक्नेछन् । नगदको विकल्पमा नवीन र प्रयोग गर्न अति नै सहज भएको कारण क्युआरकोडको प्रयोग आम मानिसमा बढ्दै गइरहेको छ ।
