काठमाडौं । नेकपा एमालेले सचिवालय बैठक बोलाएको छ । राष्ट्रपति उम्मेदवारका बारेमा दलहरुबीच रस्साकस्सी चलिरहेको बेला एमाले अध्यक्ष केपी शर्मा ओलीले सचिवालय बैठक बोलाएका हुन् ।
भाेलि बिहान ८ बजे बस्ने सचिवालय बैठकले राष्ट्रपतिको उम्मेदवारका बारेमा औपचारिक निर्णय गर्ने बुझिएको छ । उसले पुस १० को प्रधानमन्त्री एवम् नेकपा माओवादीका अध्यक्ष पुष्पकमल दाहालसँग भएको सहमतिअनुसार राष्ट्रपति एमालेले पाउनुपर्ने अडान राखेको छ ।
यसअघि ओली र प्रचण्डबीच भएको छलफलमा एमालेको उम्मेदवारलाई राष्ट्रपति बनाउनु पर्ने र त्यसका लागि उपाध्यक्ष सुबासचन्द्र नेम्बाङ र नेकपा एसका अध्यक्ष माधवकुमार नेपाललाई उम्मेदवार बनाउने चर्चा चलिरहेको बेला नेकपाको सचिवालय बैठक बस्न लागेको हो ।
सचिवालय बैठकको निर्णयसहित दिउँसो ओलीले प्रधानमन्त्री प्रचण्डसँग छलफल गर्दैछन् ।
