दार्चुलामा लडेर खोलामा खस्दा एक जनाको मृत्यु

धनगढी । दार्चुलामा खोलामा खसेर एक जनाको मृत्यु भएको छ ।

जिल्लाको मालिकार्जुन गाउँपालिका- ६ हरडीगाड खोलामा खसेर सोही ठाउँ बस्ने ५५ वर्षीय शिवराज गिरीको लडेर खोलामा खस्दा घटनास्थलमै मृत्यु भएको हो ।

गिरी शनिबार साँझमालिकार्जुनकै बांकुबाट चिउरानी घरतर्फ फर्किेने क्रममा ६० मिटरमाथि बाटोबाट खोलामा खसेका थिए ।

घटनाबारे थप अनुसन्धान भइरहेको जिल्ला प्रहरी कार्यालय दार्चुलाले जनाएको छ ।