काठमाडौं । नेकपा एमालेको विद्यार्थी संगठन अनेरास्ववियुले राष्ट्रिय स्कुल–कलेज चेस प्रतियोगिता आयोजना गर्ने भएको छ ।
प्रतियोगिता यहि साउन १२ र १३ गते प्रदर्शनीमार्गस्थित आर.आर क्याम्पसमा हुने भएको हो । प्रतियोगिताको प्रथम पुरस्कार ट्रफी, पदक र प्रमाणपत्रसहित ५० हजार राशी रहेको छ ।
द्वितीय पुरस्कार ट्रफी, पदक, प्रमाणपत्रसहित ३० हजार र तृतिय पुरस्कार ट्रफी, पदक, प्रमाणपत्रसहित २० हजार रहेको छ ।
उत्कृष्ट हुने विद्यालय र २ कलेजलाई १० हजार सहित ट्रफी र प्रमाणपत्र दिइने छ ।
त्यस्तै उत्कृष्ट महिला खेलाडीलाई प्रतिव्यक्ति ३ हजारका साथ ट्रफी, पदक र प्रमाणपत्र प्रदान गरिनेछ । यस प्रतियोगितामा मुख्य आर्बिटर उत्तम ढुंगेल र आर्बिटर मिशन बास्कोटा रहेका छन् ।
