काठमाडौं । एसिया कप क्रिकेटमा पहिलो पटक सहभागिता जनाएको नेपालले पाकिस्तानविरुद्ध उत्कृष्ट खेलिरहेको छ ।
पाकिस्तानको मुल्तान रङ्गशालामा टस जितेर पहिले ब्याटिङ गरेको पाकिस्तानले २३ ओभर ५ बल सकिँदा तीन विकेट गुमाउँदै एक सय १२ रन बनाएको छ ।
नेपालको लागि तेस्रो विकेट दीपेन्द्रसिंह ऐरीले लिए । उनले पाकिस्तानको मोहमत रिजवानको विकेटल लिएका हुन ।
खेलमा नेपालका लागि पहिलो सफलता कप्तान रोहित पौडेलले दिलाएका थिए । उनले पाकिस्तानका इमाम उलहकलाई रन आउट गराएका थिए । इमाम पाँच रन बनाएर पेभिलियन फर्किए ।
त्यस्तैगरी नेपाललाई दोस्रो सफलता भने तीव्र गतिका बलर करण केसीले दिलाए । उनले पाकिस्तानका ओपनर फखार जमानको विकेट लिएका हुन् । करणले खेलको छैटौँ ओभरको तेस्रो बलमा फखारलाई १४ रनमा आउट गराएका हुन् ।
नेपालको प्लेइङ–११ मा कप्तान रोहित पौडेलसहित, कुशल मल्ल, कुशल भुर्तेल, सोमपाल कामी, आसिफ शेख, आरिफ शेख, दीपेन्द्रसिंह ऐरी, गुलशन झा, करण केसी, ललितनारायण राजवंशी र सन्दीप लामिछाने छन् ।
