काठमाडौं । नेपाली राष्ट्रिय क्रिकेट टिमका पूर्वकप्तान पारस खड्का बागमती प्रदेश क्रिकेट संघको अध्यक्ष निर्वाचित भएका छन् ।
आज भएको निर्वाचनमा पारसले उमेश पियालाई पराजित गरे। पारसले २३ मत पाउदा उमेशले १४ मत प्राप्त गरे । उपाध्यक्षमा प्रेम क्षेत्री विजयी भए । उनले रुपक रञ्जितलाई २३–१४ मतले पछि पारे । सचिवमा प्रशन्न शाक्य निर्वाचित भए ।
उनले प्रज्वल सापकोटालाई २३–१४ कै अन्तरमा पछि पारे । सन्जय बस्नेत कोषाध्यक्षमा निर्वाचित भए । उनले विजय बोहरालाई पछि पारे ।
सदस्यमा अजयवीर पाण्डे, अनिल अधिकारी, सन्जोक पोखरेल, सुजन महर्जन, निरा राजोपाध्यय, धिरज श्रेष्ठ, शेखर श्रेष्ठ, बसन्तराज सत्याल र अनुजमान श्रेष्ठ निर्वाचित भए।
