काठमाडौं । प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच भेटवार्ता भएको छ । प्रधानमन्त्री निवास बालुवाटारमा उनीहरूबीच छलफल भएको हो ।
भेटमा परराष्ट्रमन्त्री एनपी साउद पनि सहभागी थिए । उनीहरूबीच अमेरिका भ्रमण र चीन भ्रमणका एजेण्डाका विषयमा छलफल भएको थियो ।
प्रधानमन्त्री दाहालले आइतबार पूर्वप्रधानमन्त्री, दलका नेता र परराष्ट्र विज्ञसँग एजेण्डाका विषयमा छलफल गरेका थिए ।
प्रधानमन्त्री प्रचण्ड आगामी भदौ ३० गते संयुक्त राष्ट्र संघको महासभामा भाग लिन न्युयोर्क जाँदैछन् । असोज ४ गते उनले महासभालाई सम्बोधन गर्ने कार्यक्रम छ।
प्रधानमन्त्री प्रचण्ड अमेरिकाबाट सिधै चीन भ्रमणमा जाने कार्यतालिका छ।
Appharu.com