पोखरा । गण्डकी प्रदेश सरकारको मुख्यमन्त्री एमाले संसदीय दलका नेता खगराज अधिकारी नियुक्त भएका छन् । प्रदेश प्रमुख डिल्लीराज भट्टले संविधानको १६८ को उपधारा २ बमोजिम अधिकारीलाई मुख्यमन्त्री नियुक्त गरेका हुन् ।
अधिकारीले एमाले, माओवादी केन्द्र र दीपक मनाङेको समर्थनमा आइतबार प्रदेश प्रमुख समक्ष दाबी पेस गरेका थिए । कांग्रेसले भने सभामुखसहित पेस गरेको दाबी असंवैधानिक रहेको भन्दै मुख्यमन्त्री नियुक्त नगर्न आग्रह गरेको थियो ।
मुख्यमन्त्रीको शपथ ग्रहण कार्यक्रम दिउँसो साढे ३ बजे तोकिएको प्रदेश प्रमुखको कार्यालयले जनाएको छ ।
Appharu.com