काठमाडौं । वेस्ट इन्डिज ‘ए’ सँगको ट्वान्टी–२० शृंखला खेल्ने नेपाली टोलीको घोषणा भएको छ । नेपाल क्रिकेट संघ (क्यान)ले आज रोहितकुमार पौडेलको कप्तानीमा पाँच खेलको शृंखलाका खेल्न १६ सदस्यीय नेपाली टोलीको घोषणा गरेको हो ।
ट्वान्टी–२० विश्वकपको तयारीका लागि नेपालले यो शृंखला खेल्न लागेको हो । नेपाली टोलीमा आसिफ सेख, कुशल भुर्तेल, अनिल साह, सन्दीप जोरा, दीपेन्द्रसिंह ऐरी, कुशल मल्ल, गुल्सन झा, ललितनारायण राजवंशी, करन केसी, प्रतीश जिसी, अविनाश बोहारा, विवेक यादव र आकाश चन्द छन् ।
कितीपुरस्थित त्रिवि मैदानमा शनिबारदेखि सुरु हुने शृंखलामा ब्याटर आरिफले पुनरागमन गरेका हुन् । वेस्ट इन्डिजको टोली बुधबार नै नेपाल आइसकेको छ । यो टोली इतिहासमै पहिलो पटक नेपाल आएको हो ।
