काठमाडौं । स्लोभाकियाका प्रधानमन्त्री रोबर्ट फिकोमाथि गोली प्रहार भएको छ । राजधानीभन्दा करिब २ घण्टाकोको दुरीमा रहेको ह्याण्डलोभा भन्ने स्थानमा सरकारी बैठक सकेर बाहिरिँदै गर्दा गोली हानीएको अन्तराष्ट्रिय सञ्चारमाध्यमहरुले जनाएका छन् ।
गोली लागेका ५९ वर्षिय फिकोलाई प्राथमिक उपचारपछि हेलिकोप्टरमा राजधानीको अस्पताल लगिएको छ । पेट, हात र खुट्टामा चोट लागेका उनको अवस्था चिन्ताजनक रहेको बीबीसीले जनाएको छ । त्यसैक्रममा प्रहरीले गोली हान्ने एक जनालाई नियन्त्रणमा लिएको छ ।
