काठमाडौं । नेपाली कांग्रेसका सभापति शेर बहादुर देउवाले भिजिट भिसा प्रकरणमा गृहमन्त्रीविरुद्ध झुटा आरोप लगाउने प्रयास भएको बताएका छन् । बिहीबार चितवनको भरतपुर विमानस्थलमा सम्चारकर्मीसँग कुरा गर्दै सभापति देउवाले निर्धारित समयमा नै पार्टी महाधिवेशन हुने बताए ।
उनले कांग्रेस र एमाले फरक फरक दल सरकारमा भएकाले कतिपय निर्णयमा एकमत नहुनु सामान्य कुरा भएको बताए । देउवाले कांग्रेसको आग्रह पछि टेक एन्ड पे हटाएको भन्दै यसलाई सामान्य रूपमा लिन आग्रह गरे ।
कांग्रेसकी नेतृ तथा प्रजातन्त्र सेनानी गौरीदेवी प्रधानको श्रद्धाञ्जली सभामा सहभागी हुन सभापति देउवा लगायतका नेता चितवन पुगेका हुन् ।
