– लीलाबल्लभ नेपाल
जुगौंजुग देशको माटो सजाएर गयौँ तिमी
नेपाली भई गर्व गर्ने बनाएर गयौँ तिमी ।
आँशु सबै रित्तिएछ तिम्रै शोकमा मग्न हुँदा
हाँस्दाहाँस्दै क्षितिज पारि हराएर गयौँ तिमी ।
कसरी म सहुँला यी बिछोडका पलहरु
सम्झनाको महासागर खनाएर गयौँ तिमी ।
आज एक्लो भएको छु राष्ट्रकवि बिदा हुँदा
दिलको माया मनका भाव दबाएर गयौँ तिमी ।
नेपालीको मनमन्दिरमा सधैँभरि बास गर्दै
शब्दमाला अर्बौँको लगाएर गयौँ तिमी ।
– विराटनगर
