काठमाडौं । रौतहटको गरुडामा निजी कारबाट ठूलो परिमाणमा लागुऔषध गाँजा बरामद भएको छ ।
गरुडा नगरपालिका–५ मा रहेको झाँझ खोला नजिकै ग३च ६७९६ नम्बरको कारबाट प्रहरीले १३ पोकामा रहेको १३३ किलो गाँजा बरामद गरेको हो ।
गरुडाका डिएसपी राजन कार्कीका अनुसार चन्द्रनिगाहपुरबाट गौरतर्फ आउँदै गरेको कारलाई चेकजाँच गर्न खोज्दा नरोकेर फरार भएको थियो ।
प्रहरीले गाडीलाई पछयाउँदै जाने क्रममा झाँझ खोला नजिक रहेको सडकभन्दा तल झण्डै २० फिट गहिरो खरको घारीमा छोडेर चालक फरार भएको डिएसपी कार्कीले जानकारी दिए ।
प्रहरीले गाडीलाई क्रेनको सहायताले निकालेर त्यसमा रहेको गाँजा निकालेर नियन्त्रणमा लिइएकोे छ । फरार व्यक्तिहरूको खोजी कार्य जारी रहेको डीएसपी कार्कीले बताए ।
