काठमाडौं । रुपन्देहीको बुटवलस्थित कालिका मानवज्ञान माध्यमिक विद्यालयले भाटभटेनी सुपरमार्केटमा चोरी गर्ने एक शिक्षकलाई हटाएको छ । विद्यालयले विज्ञप्ति जारी गर्दै विद्यालयका शिक्षक शिवशङ्कर शुक्लालाई बर्खास्त गरिएको जानकारी दिएको हो ।
जेनजी प्रदर्शनका क्रममा शिक्षक शुक्लाले भाटभटेनी सुपरमार्केटमा चोरी गरिरहेको देखिएको थियो । प्रधानाध्यापक दिनेश थापाले जारी गरेको विज्ञप्तिमा उनलाई आजैदेखि लागू हुनेगरी हटाइएको उल्लेख छ ।
