काठमाडौं । हमासले गाजामा बन्धक बनाएकामध्ये नेपाली विद्यार्थी विपिन जोशी जीवित रहेको नयाँ सूची सार्वजनिक भएको छ । वासिङ्टन पोस्टले सार्वजनिक गरेको २२ जना जीवित बन्धकहरूको सूचीमा विपिनको पनि नाम छ ।
यसअघि सीएनएनले प्रकाशन गरेको रिपोर्टमा भने २० बन्धक मात्र जीवित रहेको सूची दिइएको थियो । त्यसमा विपिनको अवस्था अज्ञात भनिएको थियो । तर वासिङ्टन पोस्टले सार्वजनिक गरेको २२ जना बन्धकहरूको सूचीमा विपिन पनि जीवित रहेको विश्वास गरिएको छ ।
गाजामा द्वन्द्वरत हमास र इजरायलबीच युद्धविराम सम्झौता भएपछि बन्धकहरूलाई आइतबार र सोमबारसम्ममा रिहा गर्ने तयारी भइरहेको छ ।
