काठमाडौं । निर्वाचन आयोगमा आइतबारसम्म १ सय २२ वटा राजनीतिक दल कायम रहेका छन् ।
अन्तरिम सरकारले निर्वाचन घोषणा गर्दा पनि १ सय २२ वटा नै राजनीतिक दल आयोगमा दर्ता रहेको र आजको मितिसम्म पनि सोही सङ्ख्यामा दर्ता भएका दल आयोगले जनाएको छ ।
आयोगबाट अनुसार यसबीचमा ७ वटा राजनीतिक दल नयाँ दर्ता भएका छन् भने ७ वटा नै यसअघि कायम भएका दल खारेज भएका छन् ।
एउटा अदालतबाट र ६ वटा सम्बन्धित दलका पदाधिकारीले दिएको निवेदनका आधारमा आयोगले खारेज गरेको हो । निर्वाचन आयोगका अनुसार अन्य २८ वटा राजनीतिक दल भने दर्ताको प्रक्रियामा रहेका छन् । आयोगमा दर्ताका लागि कागजात पेश भएका २८ वटै दलबारे सनाखत र कागजात रुजुको काम भइरहेको आयोगले जनाएको छ ।
कागजात लिएर कागजात लिएर आयोगमा पुग्नेलाई अध्ययन र सनाखत पछि प्रमाणपत्र दिनेगरी आयोगले काम गरिरहेको जनाएको छ ।
