काभ्रेपलाञ्चोक । रामेछापमा भएको बस दुर्घटनामा बेपत्ता एक बालकको शव तामाकोशी नदी किनारमा फेला परेको छ ।
गोलन्जोर गाउँपालिका-७ तल्लो बजार नजिकै, सुनकोशी नदी किनारमा मन्थली नगरपालिका-२ पिप्लेका ९ वर्षीय कृचन तामाङको शव भेटिएको जिल्ला प्रहरी कार्यालय सिन्धुलीले जनाएको छ । शव कृचनकै भएको कुरा कृचनका पिता युवराज तामाङले सनाखत गरेका छन्, जानकारी दिएका छन् जिल्ला प्रहरी प्रमुख लालध्वज सुवेदी ।
यसैसँगै, रामेछाप बस दुर्घटनामा ज्यान गुमाउनेको संख्या १३ पुगेको छ। तामाकोशी नदीमा खसेको बसमा सवार १२ जनाको शव यसअघि नै फेला परेको थियो ।
यो दुर्घटना मन्थली नगरपालिका-६, बेनीघाट पुल नजिकै २७ माघमा भएको थियो । बस प्रदेश ३-०१-००५ ख ९९७५ नम्बरको रहेको थियो ।
