काठमाडौं । महाशिवरात्रीको दिन पशुपतिनाथ क्षेत्रमा ड्युटीमा खटिएका प्रहरीमाथि हातपात गर्ने युवकलाई प्रहरीले पक्राउ गरेको छ ।
कवानपुर ठुलदमार स्थाई घर भई हाल काठमाडौं महानगरपालिका–१३ बस्ने २५ वर्षीय रिजन श्रेष्ठलाई पक्राउ गरिएको काठमाडौं प्रहरी परिसरका प्रमुख एसएसपी रमेश थापाले जानकारी दिए।
पक्राउ परेका श्रेष्ठले पशुपतिमा शिवरात्रीको दिन ड्युटीमा खटिएका प्रहरीलाई लात्तीले छातीमा हानेका थिए । प्रहरीलाई कुटेको उक्त भिडियो सामाजिक सञ्जालमा भाइरल भएको थियो । तैपनि, प्रहरीले कुट्ने युवकको पहिचान गरेर पक्राउ गर्न सकेको थिएन ।
भिडियो सामाजिक सञ्जालमा भाइरल बनेपछि काठमाडौं प्रहरी परिसरले सूचना नै जारी गरेर युवकबारे जानकारी दिन आह्वान गरेको थियो।
